Papyri.info

sign in

p.mil.1.2rptripl = HGV P.Med. 1 2 = Trismegistos 7 = sb.3.6645



DDbDP transcription: p.mil.1.2rptripl [xml]

104 BC Pathyris
[Reprinted from: sb.3.6645] SB 3 6645; tripl=P.Adl. G7 & P.Adl. G8

βασιλευόντων Κλεοπάτρας καὶ βασιλέως Πτολεμαίου τοῦ ἐπικαλουμένου Ἀλεξάνδρου τοῦ υἱοῦ θεῶν Φιλομ[ητ]όρων
ἔτους ιγ τοῦ καὶ ι ἐφʼ ἱερείων καὶ ἱερειῶν καὶ κανηφόρου τῶν ὄντων καὶ οὐσῶν, μηνὸς Παῦνι ιη, ἐν Παθύρε[ι]
ἐφʼ Ἑρμίου τοῦ παρὰ Πανίσκου ἀγορανόμου.
ἀπέδοτο Θαίβις Φίβιος Περσίνη ὡς (ἐτῶν) νη, μέση μελίχρω(ς) μακροπρόσω(πος) εὐθύριν ὑπόσκνιφος, μετὰ κυρίου τοῦ [ἑ]αυτῆς ἀδε[λφ]οῦ
5Παοῦς(*) πρεσβύτερος(*) Πατοῦτος τοῦ Φαγώνιος Πέρσου ὡς (ἐτῶν) λε, μέσου μελίχρω(τος) ὑποκλάστου μακροπροσώ(που) εὐθυρίνου ἀ[σή]μου,
ἀπὸ τοῦ ὑπαρχόντος αὐτῇ ἔδαφος(*) φοινικῶνος φυομένων τοῦ ὄντος ἐν τῷ ἀπὸ ἀπηλιώ(του) μέρει Παθύρεως τὸ [ἐ]πι-
βάλλον Πασῆμι Νεχούτου τῶι ἑαυτῆς υἱοῦ(*) μέρος ἕκτον, ἧς γείτονες νότου τὸ μέρος φοινικῶνος Πανερεῦτ̣[ο]ς,
βορρᾶ καὶ ἀπηλιώ(του) Ὥρου τοῦ {του} Νεχούτου, λιβὸς διῶρυξ ἢ οἱ ἂν ὧσι γείτονες πάντοθεν. ἐπρίατο Φῖβις καὶ Ὧρο[ς] οἱ δύο
τῶν Νεχούτου τῶν ἐκ Θαίβιος τῆς Φίβιος ἴσην τρίτην μερίδα χαλκοῦ τάλαντα δύο δραχμὰς τετρακισχιλ[ί]ας .
10προπωλήτρια καὶ βεβαιώτρια τῶν κατὰ τὴν ὠνὴν ταύτην πάντων(*) Θαίβις ἡ(*) ἀποδομένη οὓς ἐδέξαντο
Φῖβις καὶ Ὧρος οἱ πριάμενοι.
——
Ἑρμίας ὁ παρ\ὰ/ Πανίσκου κεχρη(μάτικα)

Apparatus


^ 5. l. Παοῦτος
^ 5. l. πρεσβυτέρου
^ 6. l. ἐδάφους
^ 7. l. υἱῷ
^ 10. cf. BL 6.74 : prev. ed.
^ 10. l. ἣν

Editorial History; All History; (detailed)

Creative Commons License © Duke Databank of Documentary Papyri. This work is licensed under a Creative Commons Attribution 3.0 License.