Papyri.info

sign in

p.freib.1.7 = HGV P.Freib. 1 7 = Trismegistos 5644 = sb.1.5942



DDbDP transcription: p.freib.1.7 [xml]

251 BC ?
[Reprinted from: sb.1.5942] SB 1 5942

Ἀντίπατρος Πυθοκλεῖ χαίρειν. ὑπογέγραφά σοι τῆς παρὰ Φανίου γραφείσης μοι ἐπιστολῆς τ[ὸ] ἀντίγραφον. ὡς ἂν οὖν λάβηις τὴν ἐπιστολήν,
ἐπελθὼν γεωμέτρησον πάντας τοὺς ἐν τῆι \σῆι/ ἐπιστατείαι κλήρου[ς], καθότι Φανίας γέγραφεν καὶ ἀναγραψάμενος κατὰ γένος ὡς ἐνδέ-
χεται ἀκριβέστατα ἀπόστειλον ἡμῖν, ὅπως ἐπὶ Φανίαν ἀνενέγκωμεν τὴν γεωμετρίαν. οὕτως δὲ ἀκριβολογήθητι πρὸς τὸ πρᾶγμα
ὡς χειρογραφησον(*) τὸν βασιλικὸν ὅρκον. ἔρρωσο, (ἔτους) λδ Χοίαχ(*) ϛ.
5[Φα]νίας Ἀντιπάτρωι χαίρειν. πρότερον μέν σοι ὑποθεὶς τῆς παρὰ Διοτίμου ἐπιστολῆς τὸ ἀντίγραφον ἔγραψα ἐπιμεληθῆναι ἱππέ[ων]
ὅσοις καταμεμέτρηται γῆ δυναμένη σπείρεσθαι εἰς τ[ὸ] ε καὶ λ (ἔτος) [ὡς] πᾶσα σπαρῆι(*) κ[α]ὶ δυνηθῶσιν οἱ ἐν τῆι ἐπιστατείαι [  ̣  ̣  ̣  ̣  ̣  ̣]
ἀπὸ τῶν γενομένων καρπῶν χορηγηθέντες καταβαίνειν πρὸς τὸν βασιλέα ἔφιπποι καὶ τοῖς ἄλλοις \ἀναγκαίοις/ κατεσκευασμένοι. ἐπεὶ δὲ συ̣[ν]ί̣[στα-]
ται(*) ὁ σπόρος παρʼ ὑμῖν, παραλαβών τινα ἔμπειρον γεωμέτρην ἤδη ἔπελθε πάντας τοὺς ἐν τῆι ἐπιστατείαι κλήρους καὶ κατ’ [ἄνδρα](*)
γεωμετρήσας ἀνάγραψον κατὰ γένος ὡς ἐνδέχεται ἀκριβέστατα τὴν ἐσπαρμένην ἐν ἑκάστωι κλήρωι ἕως ἂν πάντας ἐπέλθηις.
10οὕτω δὲ ἀκριβολογήθητι πρὸς τὸ πρᾶγμα ὡς μετὰ χειρογραφίας ἀνοίσων ἐπʼ ἐμὲ τ[ὴ]ν γεωμετρίαν. διατήρησον ὅπως ἡμῖν ἐπιδῶις.
ἔστι γὰρ ἀναγκαῖον ἕκαστον τῶν νεανίσκων γινώσκεσθαι πῶς τι ἀπαλλάσσει καὶ ὑμῖν προσῆκον τοῖς ἡγεμονίας αὑτοὺς
ἀξιοῦσιν τὰς τοιαύτας χρείας παρέχεσθαι ἕως ἂν καταστῆι τ[ὰ] περὶ τὴν κληρουχίαν, ἵνα συμπεπονηκότες δικαίως προεδρί-
ας τυγχάνητε. ἔρρωσο (ἔτους) λδ Δίου κβ Ἁθὺρ κθ.

Apparatus


^ 4. l. χειρογραφήσων
^ 4. BL 2.2.120 : χοιακ prev. ed.
^ 6. cf. BL 2.2.121 : τ[  ̣  ̣  ̣]  ̣  ̣  ̣  ̣ [  ̣  ̣  ̣  ̣]  ̣  ̣  ̣  ̣σπαρῆι prev. ed.
^ 7-8. cf. BL 2.2.121 : σ[  ̣  ̣  ̣  ̣  ̣]|ται prev. ed.
^ 8. BL 8.134 : κατ[  ̣  ̣  ̣  ̣  ̣  ̣  ̣] prev. ed.

Editorial History; All History; (detailed)

Creative Commons License © Duke Databank of Documentary Papyri. This work is licensed under a Creative Commons Attribution 3.0 License.