Papyri.info

sign in

psi.9.1019 = HGV PSI 9 1019 = Trismegistos 5572



DDbDP transcription: psi.9.1019 [xml]

110BC Pathyrite

ἔτους η, Ἁθὺρ ιϛ, ἐπʼ Ἀπολλωνίου τοῦ πρὸς τῆι ἀγορανομίαι τῶν Μεμνονέων τοῦ Παθυρίτου.
ὁμολογεῖ Ἰμούθης Θοτσύτου τῶν ἐκ τῶν Μεμ(νονέων) ἱερεὺς τοῦ Πανου(*) θεοῦ μεγίστου ὡς (ἐτῶν) μ
μέσος μελίχρως τετανὸς μακροπρόσωπος εὐθύριν Πικῶτει Ψεμμίνιος καὶ Τατε-
αθύρει Περσίνηι μετὰ κυρίου τοῦ ἑαυτῆς ἀδελφοῦ Πικωτει τοῦ προγεγραμμένου
5ἀπέχειν παρʼ αὐτῶν χαλκοῦ νομίσματος τάλαντα δεκατρία καὶ ἐξίστασθαι(*)
ἀπὸ ἡμερῶν δέκα ἱερῶν ἁγνευτικῶν καὶ τας(*) τούτων καρπειῶν καὶ λιτουργίας(*)
καὶ τὰ συνκύροντα καὶ προσεσόμενα πάντα κατʼ ἐνιαυτὸν ἕκαστον καὶ τὸ ἐπιβάλλον
αὐτοις(*) μέρος τῶν ἐπαγομένων καὶ τὰ προσκύροντα τούτοις πάντα ἐν ἱερει(*) Ἀφροδισίωι
καλουμενη(*) Ἁθὺρ ἐν τοῖς κατὰ τοὺς τῶν Μεμνονέων τάφοις καὶ μὴ ἐμποήσεσθαι(*)
10μηδʼ ἐπελευσασαι(*) μητʼ(*)αὐτὸν μηδʼ ἄλλον μηδένα ὑπὲρ αὐτοῦ ἐπὶ τὸν Πικῶν καὶ Τατε-
αθυρει(*) μηδʼ ἄλλον μηδένα τῶν παρʼ αὐτοῦ περὶ τῶν ἡμερῶν δέκα . εἰ δὲ μή, ἡ μὲν ἔφοδος
ἄκυρος ἔστω καὶ προσαποτεισάτωι(*) ὁ ἐπιπορευόμενος ὧι ἂν ἐπιπορεύηται περὶ τούτων
ἐπίτιμον παραχρῆμα χαλκοῦ νομίσματος (τάλαντα) ι καὶ τὸ βλάβος κατὰ τὸν νόμον καὶ εἰς τὸ
βασιλικὸν ἀργυ(ρίου) ἐπισή(μου) δραχμὰς ρ <καὶ> μηθὲν <ἧσσον> κύρι<α> κυριευεστωι(*) τὰ διωμολογημένα.
——
15Ἀ(πο)λλώ(νιος).

Apparatus


^ 2. l. Πανὸς
^ 5. l. ἀφίστασθαι
^ 6. l. τῶν
^ 6. l. λειτουργίας
^ 8. l. αὐτῷ
^ 8. l. ἱερῷ
^ 9. l. καλουμένῳ
^ 9. l. ἐμποιήσεσθαι
^ 10. l. ἐπελεύσεσθαι
^ 10. l. μηδʼ
^ 10-11. l. Τατε|αθύριν
^ 12. l. προσαποτεισάτω
^ 14. l. ἔστω

Editorial History; All History; (detailed)

Creative Commons License © Duke Databank of Documentary Papyri. This work is licensed under a Creative Commons Attribution 3.0 License.