Papyri.info

sign in

psi.1.30 = HGV PSI 1 30 = Trismegistos 20121



DDbDP transcription: psi.1.30 [xml]

AD82 Hermopolite

Ἑλένη{ς} Ἑρμαίου μετὰ κυρίου τοῦ ἐμαυτῆς ἀνδρὸς Σαραπί[ω]ν[ο]ς Ἀντᾶ{ς} Εὐτυχίδηι Εὐδαίμωνος πρεσβ(υτέρου) χα(ίρειν).
μεμίσθωκά σοι εἰς ἔτη ἓξ ἀπὸ τοῦ ἐνεστῶτος β (ἔτους) Δο[μιτιαν]οῦ Καίσαρος Σεβαστοῦ, βροχὰς σπόρους καὶ καρποὺς
ἕξ , τὰς ὑπαρχούσας μοι ἐκ τοῦ Μενελάου κλήρου περὶ   ̣  ̣  ̣  ̣  ̣  ̣ Πατρὴ ἄνωι(*) ἀρούρας δεκατέσσαρας,
ἐκφορίου ἀποτάκτου τῶν προκειμένων ἀρουρῶν κατ᾽ ἔτο̣ς(*) πυροῦ ἀρτάβας ἑβδομήκοντα πέντε, (γίνονται) (πυροῦ ἀρτάβαι) οε
5μέτρωι Ἀθηναίωι ἑκτημόρωι Παυβάστιος Ὥρου τῶν ἀπὸ κώμης Τέρτον Σαμωού. αὐτόθεν δὲ μεμέ-
τρημαι παρὰ σοῦ διὰ̣ Σαραπίωνος ἀνδρός μου <κ>αὶ διὰ Εὐδαίμωνος πατρός σου πάντα τὰ προκείμενα
ἐκφόρια τῆς ἑξα[ε]τίας, ὅ ἐστιν δὲ ἀπὸ τοῦ ἐνεστῶτος β (ἔτους) μέχρι ἑβδόμου ἔτους καὶ αὐτοῦ τοῦ ζ (ἔτους)
πλήρης εἰμὶ καὶ οὐδέν σοι ἐνκαλῶι(*) περὶ οὐδενὸς ἁπλῶς, ὄντων τῶν δημοσίων πάντων σιτι-
κῶν τε καὶ ἀργυρικῶν {εἶναι} πρὸς ἐμέ. ἐν δὲ τῶι ἑβδ[ό]μωι ἔτει τῶι ἐσχάτωι ἐνιαυτῶι ἐν μηνὶ
10Ἐπὶφ μετρήσω σοι(*) ἀλλας πυροῦ ἀρτάβας δεκαοκτώι(*), (γίνονται) (πυροῦ ἀρτάβαι) ιη, μέτρωι ἑκτημόρωι τοῦ αὐτοῦ Παυβάστιος
Ὥρου. ἔτους δευτέρου Αὐτοκράτορος Καίσαρος Δομιτιανοῦ Σεβαστοῦ μη(νὸς) Σεβαστοῦ τριακάδος. Σαραπίων
Ἑλένης ἐπιγέγραμμαι τῆς γυναικός μου κύριος [καὶ] παρείληφα πάντα τὰ ἐκφόρια καὶ ἔγραψα ὑπὲρ
αὐτῆς μὴ εἰδυίης γράμματα.

Apparatus


^ 3. l. ἄνω
^ 4. D. Hagedorn (digital image) (via PN) : καταροῦ (l. καθαροῦ) prev. ed.
^ 8. l. ἐγκαλῶ
^ 10. l. μετρήσομαι παρὰ σοῦ
^ 10. l. δεκαοκτώ

Editorial History; All History; (detailed)

Creative Commons License © Duke Databank of Documentary Papyri. This work is licensed under a Creative Commons Attribution 3.0 License.