Papyri.info

sign in

p.stras.2.84 = HGV P.Strasb. 2 84 = Trismegistos 101



DDbDP transcription: p.stras.2.84 [xml]

114BC Pathyris

int,1
(hand 2) (ἔτους) γ, Μεσορὴ ιη. ἀπέδοντο
Τακμῆις Πατοῦτος καὶ
Σιεπμοῦς Τοτοέους μερίδα γῆς
ἠπ(είρου) σιτοφόρου σφρα(γίδων) γ. ἐπρίατο
5Πετεαρσεμθεὺς Πανοβχού(νιος)
χα(λκοῦ) (ταλάντου) α Β.
ext,2,rp
(hand 1) βασιλευόντων βασιλίσσης καὶ βασιλέως Πτολεμαίου θεῶν Φιλομητόρων Σωτήρων
ἔτους γ, ἐφʼ ἱερείως(*) βασιλέως Πτολεμαίου θεοῦ Φιλομήτορος Σωτῆρος Ἀλεξάνδρου καὶ θεῶν
Σωτήρων καὶ θεῶν Ἀδελφῶν καὶ θεῶν Εὐεργετῶν καὶ θεῶν Φιλοπατόρων καὶ θεῶν Ἐπι-
10φανῶν καὶ θεοῦ Εὐπάτορος καὶ θεοῦ Φιλομήτορος καὶ θεοῦ Φιλοπάτορος Νέου καὶ θεοῦ Εὐεργέτου
καὶ θεῶν Φιλομητόρων Σωτήρων, ἱεροῦ πώλου Ἴσιδος μεγάλης μητρὸς θεῶν, ἀθλοφόρου
Βερενίκης Εὐεργέτιδος, κανηφόρου Ἀρσινόης Φιλαδέλφου, ἱερείας Ἀρσινόης Φιλοπάτορος
τῶν ὄντων ἐν Ἀλεξανδρείαι,
ἐν δὲ Πτολεμαίδι τῆς Θηβαίδος ἐφʼ ἱερείων(*) καὶ ἱερισσῶν κανηφόρου τῶν ὄντων
15καὶ οὐσῶν ἐν Πτολεμαίδι, μηνὸς Μεσορὴ ιη. ἐν Παθύρει, ἐπʼ Ἀμμωνίου ἀγορανόμου.
ἀπέδοτο Τακμῆις Πατοῦτος Περσίνη ὡς (ἐτῶν) ν μέση μελίχρως πλατυπρό-
σωπος εὐθύριν καὶ Σιεπμοῦς Τοτοέους Περσίνη ὡς (ἐτῶν) κε μέση μελίχρως μακροπρ(όσωπος)
εὐθύριν, μετὰ κυρίου τοῦ τῆς Τακμήιτος ἀνδρός, Σιεπμοῦτος πατὴρ(*) Τοτοῆτος
τοῦ Πελαίου, συνεπικελεύοντος Πανοβχούνιος καὶ Ταελολοῦτος τῶν Τοτοέους
20τὴν ὑπάρχουσαν αὐταῖς ἑκάστῃ μερίδα γῆς ἠπ(είρου) σιτοφόρου σφραγίδων τριῶν ἐν Παθύ(ρει),
μιᾶς μὲν γείτονες· νότου γῆ Παχράτου καὶ Κούλιος, βορρᾶ γῆ Χενσθώτου, ἀπηλιώτου
γῆ Ἀῆτος, λι(βὸς) περίχωμα, ἄλλης· νότου γῆ Χενσθώτου, βορρᾶ Παχράτου καὶ Κούλιος,
ext,3
ἀπηλιώτου γῆ Πατοῦτος τοῦ Φίβιος καὶ τῶν ἀ̣[δελ]φ̣ῶ̣ν,
λι(βὸς) περίχωμα, ἄλλης Ποκρώ· νότου γῆ Σεμπελαίας,
25βορρᾶ γῆ Πανᾶτος, ἀπηλιώτου ποταμός, λ[ι]βὸς γῆ
Ἀραμῆτος, ἢ οἳ ἂν ὦσιν γείτονες πάντοθεν.
ἐπρίατο Πετεαρσεμθεὺς Πανοβχούνιος χα(λκοῦ) (ταλάντου) α Β.
βεβαιωταὶ Τακμῆις καὶ Σιεπμοῦς οἱ ἀποδόμενοι,
οὓς ἐδέξατο Πετεαρσεμθεὺς ὁ πριάμεν̣ος.
——
30Ἀμμώ(νιος) κεχρη(μάτικα).
30 vac. ?
(hand 3) ἔτους γ, Μεσορὴ κϛ̣. τέ(τακται) ἐπὶ τὴν ἐν Παθύ(ρει) τρά(πεζαν), ἐφʼ ἧς Ἡρα(κλείδης)
θέμα ι ἐνκυ(κλίου) Πετεαρσεμθεὺς Πανοβχού(νιος) χα(λκοῦ) ω, γ(ίνονται) ω.
(hand 4) Ἡρα(κλείδης) τρα(πεζίτης).

Apparatus


^ ext,2,rp.8. l. ἱερέως
^ ext,2,rp.14. l. ἱερέων
^ ext,2,rp.18. l. πατρὸς

Editorial History; All History; (detailed)

Creative Commons License © Duke Databank of Documentary Papyri. This work is licensed under a Creative Commons Attribution 3.0 License.

DDbDP transcription: sb.1.5228 [xml]

? Arsinoite
[Reprinted in: p.stras.2.84] PStras 2,84

Editorial History; All History; (detailed)

Creative Commons License © Duke Databank of Documentary Papyri. This work is licensed under a Creative Commons Attribution 3.0 License.