Papyri.info

sign in

p.oxy.33.2667 = HGV P.Oxy. 33 2667 = Trismegistos 16872



DDbDP transcription: p.oxy.33.2667 [xml]

AD309 Oxyrhynchus

Ο̣[ὐαλέριος] Ἥρων ὁ καὶ Σαραπίων λογιστὴς Ὀξυρυγχίτου
Αὐρηλίῳ Σεύθι(*) τῷ καὶ Ὡρίωνι λογιστεύσαντι τῆς αὐτῆς πόλεως
τῷ φιλτάτῳ χαίρειν
γραμμάτων φοιτησάντων τοῦ κυρίου μου διασημοτάτου ἐπάρχου
5τῆς Αἰγύπτου Αἰλίου Ὑγίνου περὶ τοῦ τῆς σῆς διοικήσεως τοὺς
πολειτικοὺς(*) λόγους τῶν τε ἐν ἀποθέτοις ὄντων χρημάτων
καὶ τῶν ὀφειλομένων οὐ μὴν ἀλλὰ καὶ τῶν ἀνηλῶσθαι δοκούντων
ἀπαιτήσαντά με πρὸς τὴν τάξιν ἀποστεῖλαι εἴσω τῆς ἐν̣γ̣εγραμ-
μένης προθεσμείας(*), πάραυτα μὲν ἐπὶ(*) μὴ παρόντα σε ἑώρουν(*)
10ἀλλὰ κατὰ κέλευσιν τῶν μειζόνων ἀπεῖναι τῷ γραμματῖ(*) τῆς πόλεως
ἐπεθέμην τοῦτο πληροῦν, ὅς γε σοῦ ἀπόντος τούτους συστήσασθαι
μὴ δύνασθαι διεβεβαιώσατο καὶ ἐπειδὴ λοιπὸν προσῆκόν ἐστιν
τὸ κεκελευσμένον πλ̣η̣ροῦσθαι τὸ ἴσον τῶν γραφέντων ἐπειστέλ-
λω(*) σοι, φίλτατε, ἵνα ἐγ̣ν̣ω̣κὼς ἁρμόσῃ· ἐρρῶσθαί σε εὔχομαι, φίλτατε.
15ὑπατίας(*) τῶν δεσποτῶν ἡμῶν Οὐαλερίου Λικιννιανοῦ Λικιννίου Σεβαστοῦ̣
καὶ Φλαουίου Οὐαλερίου Κωνσταντίνου υἱοῦ βασιλέων πρὸ ι Καλανδ(ῶν) Ἰουλίων
Αἴλιος Ὑγῖνος λ[ογισ]τῇ Ὀξυρυγχίτου χαίρειν.
τοὺς λόγους [- ca.15 -] διοικήσεως τοῦ πρὸ σοῦ λ[ογ]ισ̣[το]ῦ̣
Traces 7 lines

Apparatus


^ 2. l. Σεύθ<ε>ι
^ 6. l. πολιτικοὺς
^ 9. l. προθεσμίας
^ 9. l. ἐπεὶ
^ 9. l. ἑώρων
^ 10. l. γραμματεῖ
^ 13-14. l. ἐπιστέλ|λω
^ 15. l. ὑπατείας

Editorial History; All History; (detailed)

Creative Commons License © Duke Databank of Documentary Papyri. This work is licensed under a Creative Commons Attribution 3.0 License.