Papyri.info

sign in

p.mert.1.10 = HGV P.Merton 1 10 = Trismegistos 11901



DDbDP transcription: p.mert.1.10 [xml]

AD21 Philadelphia

ἔτους ἑβδόμου Τιβερίου Καίσαρος Σεβαστοῦ μηνὸς Ὑπερβερεταίου
τετράδι Μεσορὴι τετράδι ἐν Φιλαδελφείᾳ τῆς Ἡρακλείδου μερίδος τοῦ
Ἀρσινοίτου νομοῦ. ἐμίσθωσεν Πασίων Πετάλου ὡς ἐτῶν τεσσα̣ράκο(ντα)
ἐννέα οὐληι(*) ἀντίχειρι ἀριστερῶι Ἁρμιύσει Ὥρου Πέρσηι τῆς ἐπιγο(νῆς)
5ὡς ἐτῶν τεσσα̣ράκοντα οὐληι(*) δακτύλωι πρώτωι χειρὸς ἀριστερᾶς
τὸν ὑπάρχοντα αὐτῶι περὶ τὴν προγεγραμμένην κώμην κλῆρον
ἀρουρῶν τριῶν ἢ ὅσων ἐὰν ἦι ἐπικαλούμενον ἡμιαρουρίου εἰς ἔτηι(*)
τρία ἀπὸ τοῦ εἰσιόντος ὀγδόου ἔτους Τιβερίου Καίσαρος Σεβαστοῦ ἐκφ[ορί]ου
ἐπὶ μὲν τὰ πρῶτα ἔτηι(*) δύο καθʼ(*) ἔτος σὺν αἷς λήμψεται ὁ μεμισθωμένο(ς)
10σπερμάτων κριθῆς ἀρτάβαις τρισὶ κριθῆς ἀρταβῶν τριάκοντα
τὸ δὲ τρίτον ὅ ἐστιν ἔσχατον ἔτος τῆς μισθώσεως εἰς σπορὰν χόρ-
του εἰς κατάβρωμα καὶ κοιτασμὸν προβάτων ἀσπερμεὶ(*) πυροῦ
ἀρταβῶν ἐννέα πάντα δὲ μέτρωι τετάρτωι ἐμπόρων ἀνυπο-
λόγων παντὸς ὑπολόγου. μὴ ἐξέστωι(*) οὖν τῶι μεμισθωμέν\ῳ/
15πρὸ τοῦ χρόνου ἐγλιπεῖν τὴν μίσθωσιν, ἀλλὰ καὶ τὰ καθʼ(*) ἔτος
ἔργα πάντα τοῦ κλήρου καὶ τοὺς χωματ[ι]σμοὺς καὶ ποτισμοὺς
καὶ τὴν ἄλλην γεωργικὴν ἐπιμέλειαν πᾶσαν ἐπιτελειτωι(*)
ἐκ τοῦ ἰδίου καὶ τὰ καθʼ(*) ἔτος ἐκφόρια ἀποδιδότωι(*) τῶι Πασίωνι
ἀεὶ ἐν μηνὶ Παῦνι ἐν τῆι κώμηι νέα καθαρὰ καὶ ἄδολα,
20καὶ μετὰ τὸν χρόνον παραδότωι(*) τὸ ἔδαφος καθαρὸν ἀπὸ
θροίου(*) καλάμου ἀγρώστεως δίσης(*) πάσης καὶ ἀναπεπαυμέ(νον)
καθὼς πρόκειται· ἐὰν δέ τις κοπρισμὸς γείνηται δώσει
ἕκαστος κατὰ τὸ ἥμισυ , τῆς πράξεως οὔσης τῶι Πασίωνι
ἔκ τε τοῦ Ἁρμιύσιος καὶ ἐκ τῶν ὑπαρχόντων αὐτῶι πάντων
25καθάπερ ἐγ(*) δίκης. βεβαιούτωι(*) δʼ αὐτῶι καὶ αὐτὸς ὁ Πασίων τὴν
μίσθωσιν ἐπὶ τοῖς προκειμένοις καὶ ἀ̣πὸ δημοσίων. ὑπογρ(αφεὺς)
Ἡρακλᾶς Φαήσιος ὡς ἐτῶν εἴκοσι ἑνὸς οὐληι(*) πήχει δεξιῶι.
(hand 2) Πασίων Πετάλου μεμίσθωκα
τὸν κλῆρον ἐπὶ̣ πᾶση(*) πάντων
30τῶν προγεγραμμένων καὶ βεβα̣ι̣-
ώσω. (hand 3) Ἁρμιῦσις Ὥρου Πέρσης τῆς ἐπιγονῆς
μεμίσθωμαι τὸν περὶ Φιλαδελφῆαν
τοῦ Πασίωνος κλῆρον ἀρουρῶν τριῶν ἢ ὅσων
ἐὰν ᾖ ἐπικαλούμενον εἱμιαρουρίου(*)
35εἰς ἔτη τρία ἀπὸ τοῦ ὀγδόου ἔτους Τιβερί-
ου Καίσαρος Σεβαστοῦ ἐκφορίου τὰ μὲν
πρῶτα ἔτη δύο καθʼ(*) ἔτος σὺν σπέρμασι
κριθῆς ἀρτάβας(*) τρισὶ κριθῆς ἀρταβῶν ―
τριάκοντα τὸ δὲ ἔσχατον ἔτος εἰς φο-
40ρὰν(*) χώρτου(*) εἰς κατάβρωμα καὶ κοιτασ-
μὸν προβάτων ἀσπερμὶ πυροῦ ἀρτα-
βῶν ἐννέα πάντα δὲ μετρο(*) τεταρτο(*)
ἐμπορο(*), καὶ τὰ ἄλλα ποησο(*) καθὼς πρό-
κειται. ἔγραψα ὑπὲρ αὐτοῦ Ἡρακλᾶς
45Παησις(*) διὰ τὸ̣ μὴ εἰ[δ]έναι αὐτὸν ―
γράμματα. (hand 4) ἔτους ζ Τιβερίου Καίσαρος Σεβαστοῦ Μεσο(ρὴ) δ
ἀ[ν]αγ̣έ̣γρ(απται) δι(ὰ) Βακχ(  ).

Apparatus


^ 4. l. οὐλὴ
^ 5. l. οὐλὴ
^ 7. l. ἔτη
^ 9. l. ἔτη
^ 9. l. κατʼ
^ 12. l. ἀσπερμὶ
^ 14. l. ἐξέστω
^ 15. l. κατʼ
^ 17. corr. ex επιτελειτωσαν, l. ἐπιτελείτω
^ 18. l. κατʼ
^ 18. l. ἀποδιδότω
^ 20. l. παραδότω
^ 21. l. θρύου
^ 21. l. δείσης
^ 25. l. ἐκ
^ 25. l. βεβαιούτω
^ 27. l. οὐλὴ
^ 29. l. πᾶσι
^ 34. l. ἡμιαρουρίου
^ 37. l. κατʼ
^ 38. l. ἀρτάβα<ι>ς
^ 39-40. l. σπο|ρὰν
^ 40. l. χόρτου
^ 42. l. μέτρῳ
^ 42. l. τετάρτῳ
^ 43. l. ἐμπόρω<ν>
^ 43. l. ποιήσω
^ 45. l. Παήσι<ο>ς

Editorial History; All History; (detailed)

Creative Commons License © Duke Databank of Documentary Papyri. This work is licensed under a Creative Commons Attribution 3.0 License.