Papyri.info

sign in

p.lips.1.2 = HGV P.Lips. 1 2 = Trismegistos 81



DDbDP transcription: p.lips.1.2 [xml]

99 BC Pathyris

βασιλευόντων Πτολεμαίου τοῦ ἐπικαλουμένου Ἀλεξάνδρου καὶ Βερενίκης τῆς ἀδελφῆς Θεῶν Φιλομήτορων
ἔτους ιϛ ἐφʼ ἱερέων καὶ ἱερειῶν καὶ κανηφόρου τῶν ὄντων καὶ οὐσῶν μηνὸς Θωύθ(*) κα ἐν Παθύρει ἐφʼ Ἑρμίου
τοῦ παρὰ Πανίσκου ἀγορανόμου.
ἀπέδοτο Τιτῶς Πατοῦτος Περσίνη ὡς (ἐτῶν) ξ μέση μελίχρω(ς) μακροπρόσω(πος) εὐθύριν μετὰ κυρίου τοῦ ἑαυτῆς πρεσβυ-
5τέρου υἱοῦ Ψεννήσιος τοῦ Ἁρσιήσιος Πέρσου τῆς ἐπιγονῆς ὡς (ἐτῶν) ν μέσου μελάνχρω(τος) ὑποκλά(στου) ἀναφαλάντου μακροπρ(οσώπου)
εὐθυρίνου, ὀφθαλμὸν δεξιὸν βεβλαμμενος(*) ἀπὸ τῆς ὑπαρχούσης αὐτῇ καὶ τοῖς ἀδελφοῖς γῆς σιτοφόρου ἀδι-
αιρέτου ἐν τῇ ταινίᾳ Παθύρεως λεγομένης Πκρῶ Κοήτιος τὸ ἐπιβάλλον αὐτῇ μέρος οὗ γείτονες νότου γῆ
Σλήπιος(*), βορρᾶ γῆ Πανᾶτος, ἀπηλιώ(του) ποταμὸς, λιβὸς γῆ Ἁ̣ραμῆτος ἢ οἳ ἂν ὦσι γείτονες πάντοθεν. ἐπρίατο
Πετεαρσεμθεὺς Πανοβχούνιος ὡς (ἐτῶν)(*) χαλκοῦ δραχμὰς χιλίας διακοσίας . προπωλήτρια καὶ βεβαιώτρια
10τῶν κατὰ τὴν ὠνὴν ταύτην πάντων Τιτῶς ἡ ἀποδομένη ὁν(*) ἐδέξατο Πετεαρσεμθεὺς ὁ πριάμενος.
Ἑρμίας ὁ παρὰ Πανίσκου κεχρη(μάτικα).

Apparatus


^ 2. l. Θῶθ
^ 6. l. βεβλαμμένου
^ 8. BL 1.203 : Σαήτιοσ prev. ed.
^ 9. cf. BL 1.203 : τιμ(ῆσ) prev. ed.
^ 10. l. ἣν

Editorial History; All History; (detailed)

Creative Commons License © Duke Databank of Documentary Papyri. This work is licensed under a Creative Commons Attribution 3.0 License.